ზესტაფონის მუნიციპალიტეტის სოფელ არგვეთაში კომპანია „ინსი“- მ დაასრულა ახალი, 240 მოსწავლეზე გათვლილი საჯარო სკოლის მშენებლობა. პროექტი განხორციელდა საქართველოს მუნიციპალური განვითარების ფონდის დაკვეთით, სახელმწიფო შესყიდვის ხელშეკრულების ფარგლებში. შენობა სრულად შეესაბამება თანამედროვე სტანდარტებსა და უსაფრთხოების ნორმებს.
სკოლის ტერიტორიაზე განთავსებულია ღია სპორტული, ხელოვნურსაფარიანი, კომბინირებული მოედანი, შენობის ეზოში და შესასვლელებთან მოწყობილია შშმ პირთა პანდუსები, ხოლო შენობაში დამონტაჟებულია შეზღუდული შესაძლებლობის მქონე პირთათვის სრულად ადაპტირებული ლიფტი და სველი წერტილები. სკოლა უზრუნველყოფილია თანამედროვე სტანდარტების შესაბამისი შიდა სპორტული დარბაზით, ვიდეომეთვალყურეობის, სახანძრო განგაშისა და შეტყობინების სისტემებით, კვამლის გამწოვი ავტომატური სისტემითა და სამართავი ცენტრით.
