გორის მუნიციპალიტეტის სოფელ პატარა მეჯვრისხევში შპს „ინსი“- ს მიერ 2020 წელს დასრულდა ახალი სკოლის მშენებლობა. 150 მოსწავლეზე გათვლილი შენობა სრულად შეესაბამება თანამედროვე სტანდარტებსა და უსაფრთხოების ნორმებს. სკოლის ტერიტორიაზე განთავსებულია ღია სპორტული, ხელოვნურსაფარიანი, კომბინირებული მოედანი. შენობის შესასვლელებთან მოწყობილია პანდუსები, ხოლო შენობაში დამონტაჟებულია ლიფტი, რომელიც სრულად არის ადაპტირებული შეზღუდული შესაძლებლობის მქონე პირთათვის. ასევე, მოწყობილია შშმ პირთა სველი წერტილები. სკოლა უზრუნველყოფილია ვიდეომეთვალყურეობის, სახანძრო განგაშისა და შეტყობინების სისტემებით და სამართავი ცენტრით.
