ქუთაისი დავით აღმაშენებლის სახელობის აეროპორტში დასრულდა წყალმომარაგებისა და წყალარინების სამშენებლო სამუშაოები. პროექტის ფარგლებში მოეწყო თანმედროვე, ევროპული სტანდარტის წყალსადენის, წყალარინებისა და სანიაღვრე ქსელები. დამონტაჟდა ახალი ჩამკეტ – მარეგულირებელი ურდულები.
ამოირეცხა არსებული 4 ერთეული ჭაბურღილი და მოეწყო ახალი EBARA-ს წარმოების ჭაბურღილის 4 ერთეული ტუმბო, საიდანაც ხდება წყლის მოპოვება. ჭაბურღილებზე მოეწყო ჭაბურღილის თავმორთულობა, Schneider Electric-ის წარმოების სიხშირული მართვის სისტემა, მართვის კარადები და SMG LEKTRA-ს წარმოების ელექტო მაგნიტური ხარჯმზომები, რომელიც გვაწვდის და ინახავს ინფორმაციას, თუ რა რაოდენობის წყალი მოიპოვა თითო ჭაბურღილმა 1 საათში, 24 საათში, 7 დღეში, 1 თვეში.
მოპოვებული წყლის დასამუშავებლად აშენდა ახალი წყალმომარაგების შენობა, სადაც დამონტაჟებულია O ARKAL BY AMIAD-ის რამდენიმე თანამედროვე ფილტრი, რომელიც ავტომატურ რეჟიმში ახორციელებს მოპოვებული წყლის დამუშავებას გაფილტვრას და ფილტრების გამორეცხვას.
წყალარინების სისტემაზე მოეწყო 2 ერთეული წყალარინების სატუმბი სადგური.
წყალარინების ქსელებისთვის და სისტემისთვის აშენდა კანალიზაციის გამწმენდი ნაგებობა, ECOSOFT-ის გადამამუშავებელი დანადგარები, ფლიტრები და სხვადასხვა შემადგენელი ინფრასტრუქტურა, რომელიც საბოლოოდ დაბინძურებულ წყალს გადააქცევს ტექნიკურად სუფთა, გამოყენების წყლად, მოსარწყავად და სასოფლო სამეურნეო საქმიანობისთვის.
ასევე, რელიეფის სირთულის გამო წყალარინების სისტემაზე დამონტაჟდა 2 ერთეული SALHER water solutions worldwide-ს წარმოების წყალარინების სატუმბი სადგური.
პროექტში ასევე დაინერგა და მოეწყო ელექტრონული მართვის ბაზა და სისტემა (სკადა), საიდანაც განხორციელდება კონტროლი წყალმომარაგების ქსელის, წყლის მოპოვების, დამუშავების, ტუმბოების მუშაობის რეჟიმის და არსებული წნევების მართვა/დარეგულირება. აღნიშნული პროგრამით გამარტივდა და მნიშვნელოვნად გაუმჯობესდა არსებული ინფრასტრუქტურის ექსპლუატაცია და მართვის კონტროლი.
